.png)
Gazeta Si – SPAK kërkon konfiskimin e 31 pasurive të Ervis Martinajt dhe familjarëve të tij, i zhdukur pa gjurmë që prej vitit 2022.
Bëhet fjalë për 31 pasuri të luajtshme dhe të palujatshmem të sekuestruara me dyshimin se janë të pajustifikuara nga burime të ligjshme dhe për pasojë rezultat i veprimtarisë kriminale të personave të hetuar dhe të personave të lidhur me ta. Mes tyre janë shoqëri aksionere, makina, apartamente, toka are, një llogari bankare dhe një vilë në Surrel.
“Prokuroria e Posaçme regjistroi procedimin e mësipërm, për hetimin pasuror të shtetasit Ervis Martinaj, i dyshuar për veprat penale: “Sigurimi i kushteve dhe i mjeteve materiale për të kryer vrasje”, në dëm të shtetasit Indrit Dokle, kryer në bashkëpunim të posaçëm të grupit të strukturuar kriminal, “Grupi i strukturuar kriminal”, “Kryerja e veprave penale nga grupi i strukturuar kriminal dhe organizata kriminale”, parashikuar nga nenet 80, 28/4, 333/a/1, 334 të Kodit Penal si dhe personave të lidhur me të. Mbi bazën e dispozitave të ligjit nr.10192 datë 03.12.2009, “Për Parandalimin dhe Goditjen e Krimit të Organizuar, Trafikimit, Korrupsionit dhe Krimeve të tjera nëpërmjet Masave Parandaluese kundër Pasurisë”, ndryshuar me ligjin nr.70/2017, janë identifikuar dhe sekuestruar pasuritë e luajtshme dhe të paluajtshme të personit nën hetim pasuror dhe personave të lidhur me të. Në përfundim të hetimit pasuror rezulton se pasuritë e sekuestruara janë të pajustifikuara nga burime të ligjshme dhe për pasojë prezumohet se janë rezultat i veprimtarisë kriminale të personave të hetuar dhe të personave të lidhur me ta”, njoftoi SPAK.
Gjykata e Apelit ka rrëzuar më herët ankimin e bërë nga familjarët e Martinajt për të liruar nga sekuestro pasuritë e bllokuara.
Familjarët pretendojnë se të gjitha bizneset dhe pronat në emrin e tyre dhe Martinajt justifikohen me burime të ligjshme dhe nuk ka arsye të sekuestrohen. Megjithatë për Apelin, masa e marrë nga Shkalla e Parë duhet të lihet në fuqi.
Ervis Martinaj është denoncuar i zhdukur nga familjarët e tij prej gushtit të vitit 2022 dhe që prej asaj kohe, asgjë nuk është dëgjuar më për të.
Ndërkohë SPAK e ka shpallur në kërkim në lidhje me disa dosje, mes tyre “Plumbi i Artë”. Për këtë rast, Nuredin Dumani në dëshmitë e tij para prokurorisë ka deklaruar se Martinaj i kishte paguar 500 mijë Euro për eliminimin e Indrit Dokles.
Megjithatë pavarësisht hetimeve që zhvillohen prej më shumë se dy vitesh asgjë nuk dihet për fatin e të ashtuquajturit “mbreti i lojërave të fatit”.
Pasuritë e sekuestruara për të cilat kërkohet konfiskimi janë:
-Shoqëria “KING KASINO” sha, me aksioner 100% Ervis Martinaj- Statusi pezulluar.
-50% te aksioneve dhe aseteve te shoqërisë “ALBA TELECOMMUNICATION” shpk, të zotëruara nga shtetasi Ervis Martinaj.
-Shoqëria “M…. U…..” shpk, me aksioner me 100% shtetasin M.M.- Statusi Aktiv.
-Shoqëria “M………E.M” shpk, aksioner shtetasin M.M. – Statusi aktiv.
-Subjekti “Ervis Martinaj”.
-Shoqëria “REAL FENIX” shpk, me aksioner 100% shtetësja M. – Status aktiv.
-Subjekti “D…………M….”, PF – Status aktiv.
-Subjekti “V……K…..” PF. -Status aktiv
-Shoqëria “S.P.E E…….” shpk, me aksioner 100% V.K. – Status aktiv.
-21% të aksioneve dhe aseteve të shoqëria “S.P.E Gj….” shpk, të zotëruara nga shoqëria “S.P.E E……”, në të cilën shtetasi V.K. është aksioner me 100% të aksioneve.
-5 (pesë) automjete të markave të ndryshme.
-Pasuria apartament me sip.82 m2, me adresë lagjja “Pavarësia” Vlorë, në pronësi të shtetases D.M..
-Pasurie me sip.245 m2, e llojit “Arë”, me adresë Piqeras Sarandë, në pronësi të shtetasve E.M. dhe R.M..
-Pasuri e llojit “Njësi”, me sip. 137 m2, Tiranë, në pronësi të shtetases V.M..
-Pasuria e llojit ullishte, me sip.9800 m2, me adresë Dobresh, Tiranë, e cila disponohet nga shoqëria “M……. EM shpk”.
-Pasuria e llojit arë, me sip. 3815 m2, me adresë Fushë-Kuqe, Kurbin, në emër të M.M.
-Pasuria e llojit arë, me sip.7000 m2, me adresë Patok, Kurbin, në emër të M.M. dhe V.M.
-Pasuria e llojit arë, me sip.12145 m2, me adresë Fushë-Kuqe, Kurbin, në emër të shtetases V.M.
-Pasuria e llojit arë, me sip.1973 m2, me adresë Patok, Kurbin, në emër të M.M. dhe V.M.
-Pasuria e llojit arë, me sip.7050 m2, me adresë Patok, Kurbin, në emër të V.M.
-Pasuria e llojit arë + truall, me sip.1975 m2, nga e cila 815.34 m2 ndërtesë, me adresë Fushë-Milot, Kurbin.
-Pasuria e llojit arë, me sip.1632 m2, me adresë Fushë-Milot, Kurbin.
-Pasuri e llojit truall + ndërtesë, me sip.300 m2, nga e cila 119.67 m2 ndërtesë.
-Pasuri e llojit arë, me sip. 2543 m2, me adresë Fushë-Kuqe, Kurbin.
-Pasuri e llojit arë + ndërtesë, me sip.410 m2, me sipërfaqe ndërtimi 136.74 m2 (baza) dhe sip. ndërtimi gjithsej 540.29 m2, adresë Fushë-Kuqe, Kurbin.
-Pasurinë e llojit “Arë” me sip.120 m2 , Tiranë.
-Pasurinë e llojit “Truall + Ndërtesë”, me sip.580 m2 dhe ndërtesë sip 123.3 m2, Tiranë.
-Pasurinë e llojit “Apartament”, me sip.105 m2, me adresë rruga “Dervish Hima” Tiranë.
-Pasuria e llojit “Ullishte”, me sipërfaqe 2000 m2, e ndodhur në fshati Gjilekë-Dhërmi, në vendin e quajtur “Gosqea”, kati i dytë dhe përbën ½, pjesë e një magazine.
-Pasuri me e llojit Vilë me vendodhje në Surrel, Tiranë.
-Llogari bankare në vlerën e 1.878.299 lekë (një milionë tetëqind e shtatëdhjetë e tetë e dyqind e nëntëdhjetë e nëntë lekë) ne emër të shtetasit A.K.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
