Gazeta Si – Një 26-vjeçar dyshohet të ketë qenë autori i vendosjes së tritolit që shpërtheu në punishten e sallamit në pronësi të Dorjan Mirit në Fushë Krujë pak ditë më parë.
Policia thotë se Kristjan Caka është shpallur në kërkim nën akuzën e shkatërrimit të pronës me eksploziv. Ndërsa ende nuk dihen shkaqet përse i riu e ka kryer një krim të tillë, policia i ka sekuestruar automjetin me të cilin u largua nga vendngjarja pasi vuri tritolin më 5 mars.
Pas shpërthimit që shkaktoi dëme materiale në murin e jashtëm të punishtes, pronari Dorjan Miri u shpreh për mediat se nuk kishte konflikte me askënd dhe se nuk kishte ide se kush mund të kishte vendosur lëndën plasëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
