.png)
Një aksident u regjistrua mbrëmjen e së dielës në zonën e “Pallatit me Shigjeta” në Tiranë, ku një urban përplas një vajzë që udhëtonte me biçikletë dhe më pas u përplas me disa automjete të parkuara.
Drejtuesi i autobusit tentoi të shmangte vajzën me biçikletë që i doli përpara në kryqëzim, por humbi kontrollin dhe goditi atë e më pas makina të parkuara.
Ky është momenti kur autobusi “Green Line” i linjës Astir-Qendër përplas vajzën që i preu rrugën me biçikletë. Aksidenti ndodhi mbrëmjen e së dielës pranë Pallatit me Shigjeta.
Në video shihet teksa autobusi “Green Line” i linjës Astir-Qendër e merr përpara të renë. Autobusi më pas është përplasur me një pemë, dhe ka marrë përpara edhe makina.
Vajza është dërguar në spital, ndërsa nuk dihet gjendja shëndetësore e saj. Ndërkohë, shoferi i autobusit është vënë në pranga për shkelje të rregullave të qarkullimit rrugor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
