Xhanluixhi Bufon, portieri i njohur italian, nuk ka në plan të ndalet. Ai ka rinovuar zyrtarisht kontratën me Parmën deri në vitin 2024.
Kjo do të thotë se Bufon do të luajë deri në moshën 46-vjeçare. Njoftimi është bërë nga presidenti amerikan i skuadrës italiane, Kyle Krause, gjatë një konference shtypi: “Bufon e ka zgjatur kontratën e tij me Parmën, që skadonte në vitin 2023”.
I lumtur për rinovimin është shprehur vetë Xhixhi Bufon: “Është një ditë shumë e bukur, ka ndodhur ajo që doja unë, presidenti, tifozët dhe shpresoj i gjithë qyteti”, – është shprehur veterani italian, që me sa duket, nuk ka ndërmend t’i varë ‘dorezat në gozhdë”. Bufon duket se ka në plan të thyejë çdo rekord sa i takon moshës në futbollin aktiv.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
