.png)
Ka ndërruar jetë në spital, 34-vjeçari Amarildo Hoxhallari, i cili u plagos me armë zjarri mbrëmjen e sotme në zonën e Astrit në Tiranë, nga 25-vjeçari Darmen Keli. 34-vjeçari është goditur 4 herë me mjet prerës dhe nuk ka arritur t’u mbijetojë plagëve.
“Në vijim të informacionit paraprak të dhënë pak më parë, ku në Unazë të Re, është plagosur me mjet prerës shtetasi A.H., ju informojmë se ky shtetas si pasojë e dëmtimeve të marra ka ndërruar jetë në spital”, thuhet në njoftimin e policisë.
Hoxhallari u godit 4 herë, dy herë në gjoks dhe dy herë në këmbë. Njëra nga plagët ka qenë pranë zemrës. Dyshohet se motiv i sherrit mes dy të rinjve është bërë një vajzë. Nga burime jozyrtare mësohet se shkak i konfliktit, është bërë e dashura e autorit, 25-vjeçarit Darmen Keli. Raportohet se 25-vjeçari goditi me thikë Hoxhallarin, pasi dyshohet se i ka ngacmuar partneren.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
