.png)
Gazeta Si – Katër persona janë arrestuar, ndërsa dy të tjerë u shpallën në kërkim, pasi dyshohet se përmes mashtrimit i morën 40 mijë euro një 55-vjeçari.
Ngjarja dyshohet se ndodhi tek rrethrrotullimin i Rinasit, ku autorët komunikuan përmes një aplikacioni dhe u prezantuan si persona të njohur.
Katër të arrestuarit janë shtetasit Krenar Toromeni, Ilia Gjini, Artur Lecini dhe Elton Rrushi.
Gjatë kontrollit në shtëpinë e Artur Lecinit ku është gjetur dhe shtetasi Elton Rrushi, është zbuluar një ambient i përshtatur me pajisje elektrike, për kultivim të bimëve narkotike.
Sipas njoftimit zyrtar të policisë, 4 personat, në bashkëpunim me njëri-tjetrin, duke iu prezantuar si i njohur i tyre, viktimës që ra pre e mashtrimit, i kanë marrë shumën prej 40.000 euro.
Ngjarja ndodhi pranë rrethrrotullimit të Rinasit, ku një biznesmen 55-vjeçar nga Shkodra, i cili merret me këmbimin e parave, u mashtrua nëpërmjet aplikacionit Viber.
Sipas burimeve paraprake, të akuzuarit i shkruan duke u prezantuar si persona të njohur dhe të afërt, duke i kërkuar të sillte 40 mijë euro për t’i këmbyer. Kur i dëmtuari shkoi në Rinas, ata i morën paratë. Pas kësaj, ai bëri kallëzim në polici, e cila nisi hetimet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
