.png)
Gazeta Si – Nga njëra anë, një mrekulli; nga ana tjetër, dhimbje. Ai kishte dalë i padëmtuar nga rrënojat që digjeshin, i vetmi i mbijetuar i një rrëzimi avioni që mori jetën e 241 personave.
Por edhe mbijetesa ka një kosto. “Unë jam njeriu më me fat në botë”, thotë Viswashkumar Ramesh, “por vuaj. Nuk kam më gëzim”.
Viswashkumar ishte në avionin Boeing 787 të Air India nga Ahmedabad për në Londër, i cili u rrëzua menjëherë pas ngritjes më 12 qershor.
Nga sedilja 11A, ai arriti të zgjidhte rripin e sigurimit dhe të dilte vetë nga rrënojat, duke pësuar vetëm lëndime të lehta.
Ishte një histori e pabesueshme, pamjet e së cilës u bënë virale. Pasi u kthye në shtëpi në Leicester, Ramesh tani e gjen veten duke u përballur me peshën e dhuratës së papritur të një jete të dytë.
“Ndihem plotësisht i vetmuar”, i tha ai BBC-së (dhe disa mediave të tjera). “Nuk mund të flas me gruan time ose djalin tim katërvjeçar. Vëllai im, Ajay ishte në aeroplan. Ai ishte ulur disa vende pas meje. Ai ishte shtylla ime kurrizore. Tani e vetmja gjë që dua të bëj, është të rri në dhomën time, vetëm”.
Ai ecën me vështirësi, por janë plagët emocionale që lënë shenjat më të thella. Ramesh, 39 vjeç, vuan nga çrregullimi i stresit post-traumatik.
“Një mrekulli? Jo, nuk mendoj kështu”, sqaron ai. Ai nuk dëshiron të rishikojë dinamikën e mbijetesës së tij të jashtëzakonshme dhe të pashpjegueshme: “Nuk mund të flas për asgjë. Nuk di çfarë të them. Nuk mund të fle natën. Mendoj. Vuaj. Çdo ditë familja ime vuan”.
Komuniteti është mbledhur rreth tij: ata duan mbështetje më të konsiderueshme nga linja ajrore, kundër së cilës tani po ngrihen të afërmit e viktimave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
