.png)
Nga Gazeta Si- Pas publikimit të rastit tronditës në një emision investigativ, ku mjeku i kërkonte favore seksuale pacientes, mjeku radiolog Pëllumb Hysko dhe tekniku laborant Artur Zeko janë pezulluar menjëherë nga detyra. Drejtuesit e spitalit ‘Shefqet Ndroqi’ kanë urdhëruar fillimin e një hetimi disiplinor dhe të Këshillit të Etikës për të gjithë punonjësit e përfshirë në këtë rast të paprecedent.
Një paciente që i thotë se ka probleme me mesin shkoi të vizitohej nga mjeku. Ajo u ankua për mesin por menjëherë mjeku filloi ta komplimentojë për fizikun. Ky investigim nisi pasi një tjetër vajzë ishte ankuar për ngacmim nga ana e mjekut.
Madje, në një moment, mjeku i tha vajzës se duhej të bënte eko gjiri dhe kontroll mitre.
Mjeku Hysko i tha se të nesërmen mund të shkonte në sanatorium ku ai punon që të bënte kontroll pa letra e pa pagesë.
Pjesë nga biseda
Pacientja: Mirë! Tashi, unë kam pak dhimbje mesi edhe të shohim.
Pëllumb Hysko: Sa herë shkon në palestër?
Pacientja: Jo, në palestër s’vete.
Pëllumb Hysko: Po me ça e mban trupin?
Pacientja: Me asnjë gjë.
Pëllumb Hysko: Ah, jo, mos ia fut kot!
Pacientja: Veç duke ecur…
Pëllumb Hysko: Pa hë shtrihu, zhvishu! Sa vjeçe je?
Pacientja: 33!
Pëllumb Hysko: Ça ha ndonjë gjë…? Uaa…,uaaa! Po kshu probleme gjinekologjike?
Pacientja: Jo!
Pëllumb Hysko: Ke pasur sekrecione kështu?
Pacientja: Jo! Jo!
Pëllumb Hysko: Mirë! Do të shoh tiroidet?
Pacientja: S’e di…, tashi.
Pëllumb Hysko: Ja këtu! Apo do gjirin?
Pacientja: Si të jetë më mirë. Për kë mendon ti?
Pëllumb Hysko: Më i bukur është gjiri.
Pëllumb Hysko: Se ka mundësi të kesh ndonjë hernie. O të shëroj ty, o s’mund të rri në ketë punë! Ej po si nishane moj, pu, pu, pu… Më mirë, prishet ! Hajde nesër! Po e marrim letrën në dispanceri, kam përshtypjen që janë, ta kemi si kartëvizitë, se skaneri është 100 e ca mijë lekë, nuk e përballon dot. Më jep emrin, mbiemrin tat!
Vajza shkon të nesërmen në Sanatorium, ku mjeku i thotë të japë 20 mijë lekë të vjetra.
Mjeku kërkon teknikun laborant Artur Zeko, duke i thënë të ndihmojë vajzën, që sipas doktorit, është komshie e tij që jeton në Gjirokastër.
“Ndihmoje çikë këtë komshien time! Vjen nga Gjirokastra, do bëjë një kontroll, po letrat i ka në Gjirokastër. Merri 20 mijë lekë”.
Më tej, mjeku fillon të flasë, duke i kërkuar haptazi favore seksuale, ku lë edhe një takim ditën e nesërme.
“Abuzimi seksual është jo vetëm një veprim kriminal, por një shkelje e rëndë e besimit dhe etikës mjekësore, së cilës i jemi përkushtuar. Të gjithë ne mjekët dhe punonjësit e Spitalit “Shefqet Ndroqi” jemi thellësisht të tronditur, të tradhtuar dhe të revoltuar nga veprimet e kolegëve tanë. Por, duam të sigurojmë qytetarët se do të vijojmë të qëndrojmë në mbrojtje të shëndetit, dinjitetit dhe mirëqenies së tyre”, thuhet në deklaratën zyrtare të Shefqet Ndroqit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
