Dy ditë pas grabitjes së punonjësit që transportonte para për një pikë të këmbimit të parave në Tiranë, policia ka arrestuar një nga autorët e dyshuar.
Në pranga ka rënë Roni Spaho 22 vjeç, i dënuar më parë për vjedhje. Policia tha se ka sekuestruar edhe shumën e parave të vjedhura nga këta 3 shtetas, 30 milionë lekë të vjetra.
Gjithashtu u shpallën në kërkim dy bashkëpunëtorët e tij të dyshuar, M. Gj., 26 vjeç, i dënuar më parë për vjedhje dhe M.B.(B)., 26 vjeç, i dënuar më parë për plagosje të rëndë.
Ngjarja ndodhi më datë 4 maj në rrugën “Mihal Duri” në kryeqytet, ku 3 shtetas i vodhën me dhunë sasinë e parave që kishte me vete punonjësit të një pike valute.
Policia thotë se Spaho dyshohet se ka ndihmuar dy personat e tjerë duke i informuar për lëvizjet e punonjësit të pikës valutore.
Autorët e kanë ndjekur 60-vjeçarin dhe në një moment e kanë kapur në befasi, duke e qëlluar me sende të forta në kokë. Më pas ata kanë arritur t’i marrin shumë e parave, duke u larguar në drejtim të paditur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
