.png)
Gazeta Si – Deri pak ditë më parë luante në ‘G-League’. Gjatë ditëve të fundit ka firmosur për 76ers dhe pastaj ka arritur të bindë gjyqtarët për një vend në All Star Game. Lilard fiton sfidën e 3-pikëshave.
Në shenjën e Mac McClung. Emri më pak i njohur i All Star Saturday është shndërruar në protagonistin kryesor të ditës, duke fituar me personalitet të jashtëzakonshëm sfidën e ‘slam dunk’ (koshit me zhytje). Një element thelbësor i lojës së basketbollit (shënimi i koshit me një ose dy duar nga larta, që do të thotë se lojtari qëndron jo pak në ajër).
Nuk janë më kohët e Vince Carter apo Nate Robinson dhe vitet e fundit ‘Slam Dunk Contest’ ka dhuruar emocione me pikatore, por në Salt Lake City për herë të parë kompeticioni që ka bërë historinë e NBA-së rimerr vëmendje falë numrave të një lojtari, që deri pak ditë më parë luante ende në G-League.
Në një javë të vetme ka ndryshuar jeta e McClung, i cili ka firmosur një kontratë me 76ers, është bërë ‘spokesman’ i Pumës dhe ka mbyllur në mënyrën më të bukur një periudhë magjike, duke triumfuar në sfidën e ‘zhytjeve’.
Tre ‘dunk’ në katër të lojtarit të lindur në Tennessee kanë marrë maksimumin e votave dhe McClung ka mundur kundërshtarin e tij në finale, Trey Murphy III të Pelicans, me një ‘zhytje pas një rrutullimi 360 gradë, që la me gojë hapur gjyqtarët dhe fansat e Salt Lake City.
Man was a viral HOH high school dunk phenom, still working his way to the League, but lemme go get that dunk contest trophy right quick and bring it back to life!!! Unreal #macmclung
— Stephen Curry (@StephenCurry30) February 19, 2023
I gjatë vetëm 1.88 m, lojtari që ka fituar popullaritet në YouTube për videot e ‘zhytjeve’ të tij në lice dhe që jo rastësisht për ‘dunk’ e fundit ka veshur fanellën e Gate City, shkollës së tij, ka një shpërthim të pabesueshëm. Ia ka treguar gjithë botës nga parketi i ‘Vivint Arena’.
Menjëherë ish-’rookie’ e vitit në G-League është bërë i famshëm për fansat e basketbollit amerikan. “Kam qenë gjithmonë një “underdog”, – thotë në fund të eventit Mac McClung, – por ky për mua është një burim motivimi. Të arrish t’i tregosh diçka atij që të kritikon dhe atij që nuk ka besim tek ty, është një kënaqësi shumë e madhe. Fitorja në garën e ‘zhytjeve’ ka qenë si të realizoja një ëndërr. Jam shumë i lumtur”.
Nëse një lojtar fare i panjohur rrëmbeu skenën, aty kishte hapësirë edhe për triumfin e një ylli të NBA-së, Damian Lilard. Ai fitoi duelin për 3 pikë, duke mundur në finale Buddy Hield. Lideri i Blazers, një nga favoritët e mëdhenj të kompeticionit, ka kaluar turin e parë bashkë me Hield dhe Haliburton.
Lojtari i Indiana vuajti në finale, Hield fitoi 25 pikë dhe Lilard, që veshi fanellën e universitetit të tij, Weber State, e mposhti me koshin e fundit, duke e mbyllur me 26 pikë dhe duke fituar trofeun e ‘Three Point Contest’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
