Gazeta Si – Një ngjarje e dyshuar dhe e raportuar si aksidentale, ka rezultuar si e qëllimshme në lidhje me djegien e një makine në zonën e Unazës së Re më 4 janar të këtij viti në Tiranë.
Policia njofton se për djegien e makinës janë shpallur në kërkim 2 maqedonas, përkatësisht 37 dhe 27 vjeç.
Nga hetimet ka rezultuar se ata në bashkëpunim me njëri-tjetrin kanë djegur për motive të dobëta automjetin e shtetases me iniciale Xh.T.
“Në kuadër të operacionit policor të koduar “Fire” u bë shpallja në kërkim e shtetasve F. T., 37 vjeç, dhe M. S., 27 vjeç, të dy banues në Maqedoninë e Veriut. Nga veprimeve hetimore të kryera ka rezultuar se këta shtetas, në bashkëpunim me njëri-tjetrin, më datë 04.01.2024, në rrugën “Astrit Losha”, për motive të dobëta, kanë djegur automjetin e shtetases Xh. T.”, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
