Gazeta Si – Dy persona janë arrestuar, pasi i vunë flakën automjetit të një 28-vjeçareje në Korçë një ditë më parë.
Në fillim u dyshua se djegia e mjetit ishte aksidentale, por pas hetimeve, doli se pas kësaj ngjarjeje qëndronin shtetasit R.B., 27 vjeç dhe G.Ç., 38 vjeç. Ky i fundit e kishte kërcënuar edhe më parë të renë sipas policisë.
Automjeti që u dogj është në përdorim nga një 28-vjeçareje dhe në pronësi të vëllait të saj. Nga hetimet e kryera, G.Ç., në muajin dhjetor 2022, e ka kanosur nëpërmjet telefonit 28-vjeçaren.
Gjatë kontrollit në banesën e R.B., u gjet dhe u sekuestrua në cilësinë e provës materiale një sasi e vogël municioni luftarak. Gjithashtu u sekuestruan veshje dhe një automjet që ka përdorur Basholli në këtë ngjarje.
Vijon puna për dokumentimin e plotë të kësaj ngjarjeje, identifikimin dhe vënien përpara përgjegjësisë penale të shtetasve të tjerë të përfshirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
