.png)
Nga Gazeta ‘Si’- I dërguari special për Ukrainën i presidentit amerikan Donald Trump, Keith Kellogg, ka thënë se Ukraina është e gatshme të japë tokën e pushtuar nga Rusia.
“Ukrainasit vetëm se kanë deklaruar se janë të gatshëm ta japin tokën… jo de-jure, përgjithmonë, por de-facto sepse rusët në fakt e kanë pushtuar atë”, ka deklaruar Kellogg për “The Telegraph”.
“Kjo është ajo se çfarë janë të gatshëm të bëjnë, ata ma thanë këtë javën e kaluar”, shtoi ai në një intervistë për Fox News.
Rusia kontrollon pothuajse 20% të territorit ukrainas, pjesa më e madhe është zona kryesore industriale e vendit. Administrata e Trumpit po përpiqet për të arritur një marrëveshje për paqe në mes Ukrainës dhe Rusisë.
Presidenti i Rusisë, Vladimir Putin deri tash ka refuzuar një armëpushim të përhershëm, por ka njoftuar të hënën një armëpushim treditor nga 8 maji deri më 11 maj, të cilën Kellogg e ka quajtur si “absurde”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
