Gazeta Si – Pjerin Rrushkulli, 48 vjeç, ka mbetur i plagosur me armë zjarri mbrëmjen e të martës (14 qershor) në Velipojë.
Sipas të dhënave nga policia, ngjarja ndodhi rreth orës 22:00, në afërsi të një resorti. I plagosuri ka marrë një plagë në pjesën e barkut dhe është transportuar ne spitalin e Shkodrës.
Nuk dihen ende rrethanat, ndërsa policia po punon për të sqaruar si ka ndodhur ngjarja.
Por Rrushkulli është një emër i njohur për policinë. Ai ka qenë i dënuar për një vrasje të kryer në 6 tetor 2002 dhe nuk kishte shumë kohë që kishte dalë nga burgu.
Ai ka qenë i dënuar për vrasjen e bashkëfshatarit të tij nga Bërdica, Kolec Nushi. Vrasja ka ndodhur në vitin 2002, ndërsa në vitin 2005 Pjerin Brushtulli është dënuar me vendim të formës së prerë nga Gjykata e Apelit Shkodër.
Dënimi u dha në mungesë, pasi Brushtulli ka qenë në arrati. Por ai u kap në vitin 2008 nga Policia e Shkodrës për të vuajtur dënimin me 15 vite. 48-vjeçari Brushtulli ka dalë nga burgu kohët e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
