Një 48-vjeçar i dënuar në mungesë për vrasje, është ekstraduar nga Belgjika drejt Shqipërisë. Ai është Pëllumb Muskaj, i dënuar nga Gjykata e Vlorës me 16 vjet burg për vrasje me dashje.
Më 15 janar 1993, ai ka vrarë me kallashnikov shokun e tij, G.H., në një lokal në Orikum të Vlorës. Pëllumb Muskaj dhe viktima debatuan fillimisht, pasi i ndjeri akuzohej se i kishte vjedhur një shumë parash shokut të përbashkët me iniciale S.M.
Viktima G.M., refuzoi që t’ja jepte paratë dhe pas kësaj, Pëllumb Muskaj e qëlloi me kallashnikov, duke i shkaktuar vdekjen.
Pëllumb Muskaj u arrestuar më 19 janar 1993, por në vitin 1997 u arratis nga burgu i Lushnjës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
