Gazeta Si – Një 40-vjeçar është arrestuar në Tiranë, pasi ishte shpallur në kërkim ndërkombëtar për pjesëmarrje në organizatë kriminale dhe trafik droge.
Policia tha se Valter Çela u ndalua në rrugën “Frosina Plaku” në kryeqytet. Ky shtetas ishte shpallur në kërkim ndërkombëtar, pasi Gjykata e Apelit në Peruxhia në Itali e ka dënuar me 5 vjet burg, nga të cilat i kanë mbetur për të kryer edhe 2 vjet e 9 muaj.
Ndaj 40-vjeçarit rëndojnë akuzat “Pjesëmarrje në organizatë kriminale me qëllim trafikimin e sasive të mëdha të lëndëve narkotike”, (kryesisht kokainë), “Mbajtje, prodhim, shpërndarje të sasive të mëdha të lëndëve narkotike” (kokainë), kryer në bashkëpunim, parashikuar nga Kodi Penal i Italisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
