Gazeta Si – Një 30-vjeçar i shpallur në kërkim, pasi ishte dënuar me 3 vjet e 2 muaj burgim, për prodhim dhe shitje të lëndëve narkotike, është arrestuar në Fier.
Policia thotë se ka vënë në pranga shtetasin B.S., banues në Zhupan të Fierit.
I riu ka tentuar të largohet, duke u fshehur në një zonë me bimësi të dendur, por është kapur dhe ndaluar nga policia.
Gjykata e Shkallës së Parë Fier, me vendimin e datës 12.04.2021, e ka dënuar 30-vjeçarin me 3 vjet e 2 muaj burgim, për veprën penale “Prodhimi dhe shitja e lëndëve narkotike”.
Në datën 29 shtator 2020, gjatë kontrollit në banesën e tij në Zhupan, policia gjeti dhe sekuestroi 3 kg kanabis sativa gati për shitje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
