Gazeta Si – Identikiti që bëjnë në Dortmund për mesfushorin Emre Çan është ai i një personazhi, që askush nuk dëshiron ta ketë pranë. Për këtë arsye, Borusia po kërkon blerës për lojtarin e saj.
Emre Çan, ish-lojtar i Liverpulit dhe Juventusit, nuk po gjen paqe as në Gjermani, ku u kthye në 2020-ën për të veshur fanellën e Borusia Dortmund.
Lojtari e ka shigjetuar shpesh Juventusin dhe trajnerin Sarri, duke e quajtur atë si shkaktarin e largimit. Por, me sa duket, problem nuk paska qenë ai. Sipas fjalëve që qarkullojnë në Gjermani, Çan ka një karakter shumë të veçantë, të bezdisshëm.
Nga opinionet e drejtuesve të Borusias, të publikuara nga “Bild”, rezulton se lojtari nuk pëlqehet aspak. Çfarë bën konkretisht? Jep leksione, bën si profesor, duke irrituar shokët e ekipit. Ndërhyn edhe te trajneri, siç ka bërë sezonin e fundit, kur në stol ishte Marko Rose.
Nuk është tipi i atij që njerëzit duan ta kenë afër. Përkundrazi… Prandaj dhe Borusia Dortmund e ka nxjerrë në shitje. Emre Çan ishte një gjysmë zhgënjim për klubin gjerman, që pagoi 25 milionë euro. Asnjëherë nuk ka bërë diferencën.
As në rolin e tij natyral në mesfushë, as në qendër të mbrojtjes. Dhe kur kësaj paraqitjeje i shtohen edhe dmëtimet e shumta, kuptohet që te Borusia duan ta shohin larg ‘Signal Iduna Park’…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
