.png)
Gazeta Si – SPAK ka vendosur nën sekuestro një apartament në Qerret të Kavajës, i cili rezulton në pronësi të Shemsi Bahtirit nga Kosova, ish-anëtar i lëvizjes Vetëvendosje.
Bahtiri u arrestua nën dyshimet për trafik droge, pas zbërthimit të aplikacionit të koduar Sky ECC, i cili iu sigurua autoriteteve nga Franca.
Sekuestrimi u krye pas kërkesës së Prokurorisë Speciale për ndihmën e SPAK, për të kontrolluar pasuritë e paluajtshme të personave të dyshuar pjesë e grupit kriminal. Dyshohet se paratë e fituara nga aktiviteti kriminal janë investuar në tokë, shtëpi, banesa dhe vetura.
Në kuadër të verifikimeve, rezultoi se Bahtiri është pronar i subjektit “DAIMAN” shpk, i regjistruar më 11 mars 2025 me objekt veprimtarie “Shitblerje e pasurive të paluajtshme”, si dhe zotëronte apartamentin në Qerret që tani është nën sekuestro.
Bahtiri akuzohet për veprat penale: “Pjesëmarrja ose organizimi i grupit kriminal të organizuar”, blerja, posedimi dhe shpërndarja e narkotikëve, si dhe pastrim parash. Hetimet përfshijnë gjithashtu të paktën dy të dyshuar të tjerë të përfshirë në aktivitetin kriminal.
Lëvizja Vetëvendosje e kishte përjashtuar nga partia Shemsi Bahtirin nëntë muaj më parë. Me anë të një komunikimi për mediet, VV shprehej se e kanë përjashtuar atë, pas verifikimeve që ata kanë kryer, duke shtuar se mbështesin luftën e institucioneve kundër krimit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje