Gazeta Si – Një 38-vjeçar u arrestua këtë të hënë në Korçë, pasi tentopi të hyjë me forcë brenda një banke të nivelit të dytë mbrëmjen e 21 dhjetorit.
Autori, V.Xh., pasi hyri me forcë brenda bankës, qëndroi për disa minuta dhe u largua pa marrë asgjë pasi vuri re shërbimet e policisë.
Uniformat blu, pas analizimit të pamjeve nga kamerat e sigurisë, e identifikuan dhe e arrestuan të dyshuarin në lagjen nr.6 të Korçës.
Gjatë marrjes në pyetje, 38-vjeçari ka deklaruar se nuk i kujtohet çfarë ka ndodhur. “Kam qenë në gjendje të dehur, nuk mbaj mend asgjë”, mësohet të ketë thënë ai.
Materialet procedurale i kaluan Prokurorisë së Korçë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
