Hunter Biden (djali i Presidentit të SHBA Joe Biden) u shpall fajtor për të tre akuzat në gjyqin e tij për blerjen e një arme pavarësisht varësisë së tij nga droga. Ishte juria e gjykatës në Wilmington, Delaware që e mori këtë vendim. Hunter akuzohet se ka mashtruar për përdorimin e lëndëve narkotike dhe zotërimin e jashtëligjshëm të armëve.
Ai rrezikon një dënim deri në 25 vjet burg, por duke mos pasur precedent duhet të jetë shumë më pak: dënimi i mundshëm do të vendoset nga gjyqtarja federale Maryellen Noreika, e emëruar nga Trump në 2018, por e mbështetur nga dy senatorët demokratë nga Delaëare.
Babai i tij në çdo rast mund t'i japë atij një falje presidenciale, ose t'ia zbusë dënimin, por Shtëpia e Bardhë tashmë e ka përjashtuar zyrtarisht këtë mundësi.
Hunter, 54 vjeç, djali i trazuar i Joe Biden, u akuzua se kishte gënjyer për varësinë e tij nga droga kur bleu një armë në vitin 2018.
Hunter gjithmonë e ka pranuar se ai përdorte vazhdimisht drogë në atë kohë edhe pse u vetdeklarua i pafajshëm.
Çështja u zvarrit për një kohë të gjatë dhe Biden kishte arritur tashmë një marrëveshje me prokurorinë. Kjo marrëveshje, e cila përfshinte gjithashtu dy vjet provë, dështoi sepse republikanët argumentuan se djali i presidentit po merrte trajtim preferencial.
Kishte tre akuza në ngarkim të tij: dy kishin të bënin me blerjen e armës, gjatë së cilës Hunter Biden gënjeu, dhe e treta i referohet posedimit të vetë armës, e ndaluar me ligj federal për përdoruesit e drogës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.