Kalendari është shumë i ngjeshur, nuk lë asnjë hapësirë për rikuperimin e ndeshjes mes Totenhemit dhe Renes. UEFA ka njoftuar zyrtarisht humbjen në tavolinë të Totenhemit, që do të thotë se skuadra angleze mbetet jashtë Ligës së Konferencës, finalja e së cilës zhvillohet në Tiranë.
Totenhem-Renes nuk u luajt në fillim të dhjetorit për shkak se londinezët u pushtuan nga Covid-i. Tashmë vjen dhe zyrtarizimi i humbjes në tavolinë me rezultatin 0-3, rrjedhimisht edhe eliminimi i skuadrës së drejtuar nga Antonio Konte.
Nuk ishte e mundur të gjendej një datë e lirë për zhvillimin e ndeshjes në fjalë, ndaj dhe presidenti i dhomës së apelit në UEFA ka vendosur për humbjen në tavolinë. Një rezultat që e çon Totenhemin në vend të tretë në grup, pas Renes dhe Viteshes. Skuadra angleze mbetet kështu jashtë të gjitha kompeticioneve europiane për këtë sezon.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
