.png)
Nga Gazeta ‘SI’ – Sezoni veror ka stimuluar më tej aktivitetin e sektorit të shërbimeve dhe pasurive të paluajtshme.
Sipas INSTAT, në tremujorin e dytë, sektori i hotelerisë dhe real estate patën rritjen më të fortë të shitjeve, me 14.5% dhe 11% respektivisht. Për të njëjtën periudhë shitjet në bar-restorante u zgjeruan me 9% dhe komunikacioni me 8.4%.
Si pasojë këto biznese shtuan edhe numrin e të punësuarve, 9% në hotele dhe 4% në agjencitë e udhëtimit.
Nga sektori i hotelerisë raportohet edhe një rritje e fortë e pagave, me 25%, ndjekur nga pasuritë e patundshme me 18.4%, tregtia me 16%, agjencitë e udhëtimit me 13% dhe bar-restorantet me 12%. Gjithsesi nuk është e qartë nëse rritja e pagave është reale, apo thjesht një formalizim i sektorit nën presionin e qeverisë. Tatimet publikuan në fillim të sezonit një listë me vlera reference për pagat e sektorit, me qëllim uljen e evazionit, duke nisur nga minimumi 55 mijë lekë për rojet dhe minimumi 130 mijë lekë për shefat e pastiçerive.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
