Ndeshja Holandë-Norvegji, e vlefshme për kualifikueset e Botërorit të Katarit, e programuar për t’u luajtur në Roterdam të martën, do të zhvillohet me dyer të mbyllura. Një situatë që vjen për shkak të masave shtrënguese ndaj koronavirusit nga qeveria holandeze.
Lajmi është konfirmuar nga vetë kryeministri i Holandës, Mark Rutte, pas njoftimit për tri javët e karantinës së pjesëshme në vend, duke nisur nga e shtuna në mbrëmje.
Masat shtrënguese parashikojnë që lokalet dhe restorantet duhet të mbyllen në orën 20:00, kurse ndeshjet sportive në nivel profesionist do të zhvillohen me dyer të mbyllura. Po ashtu, njerëzve do t’u kërkohet të punojnë nga shtëpia. Dyqanet që shesin mallra që nuk janë esenciale, duhet të mbyllen në orën 18:00.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
