Gazeta Si – Tre persona janë vënë nën hetim për ndotjen e lumit Gjanica në Fier. Policia njofton se tre të proceduarit penalisht, janë punonjës të dy kompanive private me aktivitet në fushën e hidrokarbureve.
Nga hetimet rezulton se 2 kompanitë, ku janë punonjës përgjegjës këta shtetas, nëpërmjet aktivitetit të tyre në fushën e hidrokarbureve, kanë ndotur ujërat e lumit, pasi kanë shkarkuar aty mbetjet e këtyre lëndëve.
Si rezultat u proceduan penalisht një 34 vjeçar me detyrë drejtor i Qendrës së Prodhimit të Naftës në Fier; një 35 vjeçar, me detyrë përgjegjës i Sektorit të Dekantimit në një kompaninë private në Patos; si edhe një tjetër 61 vjeç, me detyrë drejtor i operacioneve të hidrokarbureve, në një kompani tjetër private.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
