Gazeta Si – Emocione të mëdha në stadiumin “Loro Boriçi” të Shkodrës. Jo nga Vllaznia e meshkujve, por ajo e femrave që sot ka shkruar historinë. Për herë të parë një skuadër shqiptare në futboll shkon në grupet e Ligës së Kampioneve, kompeticionit më të rëndësishëm europian në rang klubesh.
Vllaznia mundi sot 2-1 ukrainaset e Vorskla Kharkhiv, ndërkohë që ndeshja e parë, e luajtur po në Shkodër, kishte përfunduar në barazim, 1-1. Ishte një kualifikim dramatik për vajzat e Vllaznisë.
Amerikania Paterson dhe kosovarja Gresa Berisha shënuan golat e fitores për Vllazninë në ndeshjen e sotme. Paterson i kaloi shkodranet në avantazh në pjesën e parë, Vorskla barazoi me Korsun dhe vetëm në minutat e fundit erdhi goli i kualifikimit historik me Berishën.
Vllaznia në futboll për femra shënon kështu një arritje të jashtëzakonshme, duke u kualifikuar mes 32 skuadrave më të mira të Europës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
