.png)
Liga e Kampionëve ka pësuar një ndryshim revolucionar këtë sezon, pasi me të vërtetë bëhet ligë pas 33 vitesh ndeshjesh në fazat e grupeve, por mbrëmë (e mërkurë) u zbulua se ky nuk është ndryshimi i vetëm që ka pësuar gara më tërheqëse e futbollit të klubeve evropiane.
Në ndeshjet e para të xhiros së fundit preliminare të Ligës së Kampionëve, në stadiumet e Young Boys, Malmo, Midtjylland dhe Dinamo Kievit, dëgjohej se ka ndryshuar himni më i famshëm i futbollit.
Edhe pse ndryshimet nuk janë të mëdha në krahasim me versionin e vitit 1991 kur u promovua, ato shkaktuan polemika të mëdha.
Vargjet e tjera të himnit, të kënduara në anglisht, frëngjisht dhe gjermanisht, gjuhët zyrtare të UEFA-s, mbetën të pandryshuara, por akordet dhe melodia legjendare u ndryshuan.
Është përshpejtuar në krahasim me origjinalin dhe i janë shtuar efektet. Kjo duket se i ka indinjuar tifozët e futbollit që duan më shumë versionin e vjetër të himnit të dashur.
Në rrjetet sociale ka indinjatë dhe pothuajse askush nuk ka fjalë të bukura për himnin e ndryshuar të Ligës së Kampionëve.
Ka një numër më të vogël komentesh që mendojnë se himni i ri është i mrekullueshëm dhe se i vjetri është dashur të modernizohet, ndërsa ka edhe nga ata që thonë se nuk e kuptojnë fare ndryshimin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
