Nga Fieri, ku ndodhej për një takim me prokurorë të këtij qyteti, Olsian Çela ka përsëritur se duhen rezultate dhe transparencë në raport me hetimet sa i takon krimeve zgjedhore.
Prokurori i Përgjithshëm ka deklaruar se është shumë e rëndësishme që të ketë një hetim të shpejtë. “Është e rëndësishme që nga prokuroritë të tregohet kujdes maksimal për hetimin e tyre të plotë dhe të shpejtë dhe për të siguruar transparencë në raport me hetimet ndaj publikut dhe medias, – tha ai.
Sipas tij, në Fier ka pasur një numër të konsiderueshëm të çështjeve që janë hetuar apo për të cilat është marrë tashmë një vendim.
“Prokuroria e Fierit është duke i vlerësuar maksimalisht, të paktën nga informacioni që ata dhanë dhe bashkëpunimi ka qenë edhe me institucionet e tjera ligjzbatuese. Shumë shpejt do të kemi rezultate”. Një tjetër çështje për të cilat ka diskutuar Çela, ka qenë edhe ajo për hetimet pasurore.
“Arsyeja e dytë ka të bëjë më hetimet pasurore dhe evazionin fiskal, funksionimi i një seksioni të posaçëm që Prokuroria e Fierit ka për pastrimin e produkteve të veprës penale dhe evazionit fiskal, për rritje të efikasitetit për evazionin dhe ligjin anti-mafia. Janë të rëndësishme rezultatet në këtë drejtim, pasi ka shumë kërkesa nga ndërkombëtarët për luftën ndaj pastrimit të parave, korrupsionin dhe krimin e organizuar”, vijoi kryeprokurori.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
