.png)
Gazeta Si – Prokurori special Jack Smith, ka ngritur tre akuza të reja kundër Donald Trump lidhur me dokumentet sekrete në Mar-a-Lago.
Më e rënda ka të bëjë me përpjekjen për të zhdukur një video survejimi në mënyrë që të mos përfundojë në duart e jurisë së madhe.
Ndërsa fokusi është i gjithi në hetimin e 6 janarit dhe aktakuzën e tretë të mundshme të ish-presidentit, akuzat e reja vijnë si befasi dhe, sipas ekspertëve, duket se mund të dobësojnë më tej pozitën e miliarderit.
Ish-presidenti akuzohet se u përpoq të “ndryshojë, shkatërrojë ose fshehë provat”, për përpjekjen “të detyrojë njerëzit e tjerë ta bëjnë këtë” dhe se ka treguar një dokument shumë konfidencial për miqtë e tij në klubin e tij të golfit në Bedminster, Nju Jork.
“The Donald” hedh poshtë akuzat: “Kjo nuk është asgjë më shumë se një përpjekje e dëshpëruar nga familja e krimit Biden dhe Departamenti i tyre i Drejtësisë për të linçuar presidentin Trump dhe ata përreth tij”, – tha Steven Cheung, zëdhënës i ish-shefit të Shtëpisë së Bardhë.
“Jack Smith i çmendur e di se nuk ka asnjë rast dhe po kërkon çdo rrugë për të shpëtuar një gjueti të paligjshme shtrigash dhe për të gjetur një tjetër që mund të kandidojë kundër Joe Biden”, – shtoi Cheung.
Në 60 faqet plotësuese të aktakuzës së dokumenteve të Mar-a-Lagos, Smith akuzoi Trumpin se kishte pasur në posedim një dokument lufte shumë të klasifikuar dhe se e kishte ndarë atë, pasi u largua nga Shtëpia e Bardhë, me njerëz që nuk kishin autorizimin e nevojshëm për ta parë.
Një person i tretë përveç Trump dhe Ëalt Nauta-s përfundoi edhe në shënjestër të prokurorit.
Ai është Carlos De Oliveira, një punonjës i Mar-a-Lagos, i cili më 27 qershor 2022 i tha një kolegu të tij se “shefi”, d.m.th. Trump, “dëshironte shkatërrimin e serverit” me pamjet e regjistruara nga kamerat e pozicionuara pranë kutive me dokumentet sekrete. Mirëpo, kolegu i është përgjigjur De Oliveiras se nuk dinte si të bënte dhe mbi të gjitha se nuk besonte se kishte të drejtë të bënte atë që i kërkohej.
Pasi kolegu refuzoi, De Oliveira telefonoi Nautën, bashkëpunëtorin historik të Trump dhe më pas e takoi personalisht në Mar-a-Lago.
Akuzat e reja mund të shtyjnë gjyqin e dokumenteve sekrete të caktuar për në maj, i cili rëndohet nga pasiguritë e padive të tjera të mundshme të Trump për sulmin e 6 janarit në Kapitol Hill dhe për ndërhyrje në zgjedhje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
