.png)
Nga Gazeta Si - Pas skandalit që u zbulua në spitalin Onkologjik, ku mjekë dhe staf i këtij spitali në bashkëpunim, u zhvasnin para pacientëve të sëmurë me kancer dhe nuk u ofronin shërbime duke i dërguar në klinikën private të mjekut Edmond Gashi, ministria e Shëndetësisë do të nisë një hetim administrativ.
Në komunikatën me median pas vendimeve të Qeverisë, Ministrja e Shëndetësisë, Albana Koçiu tha se do të ketë një hetim administrativ me strukturat e brendshme, i ndarë nga hetimi i prokurorisë.
“Do të jetë një hetim që do të trajtojë shumë aspekte, çështjet e organizimit dhe punës në këtë shërbim. Do të iniciojmë ndryshime ligjore për të bërë amendime në ligjin për Urdhrin e Mjekut për të vendosur dhe aty sanksione të forta që ndëshkojnë këdo që e trajton jetën njerëzore si mal shumice në tregun e lirë. Duhet të jenë thelbi i punës së çdo profesionisti. Hetimi do të bëjë të mundur edhe një ridemensionim të sistemit të Onkologjikut”, u shpreh Koçiu.
LEXO EDHE:
-Nuk i jepnin shërbim dhe i çonin pacientët te privati, 7 masa sigurie për mjekë e staf të Spitalit Onkologjik në Tiranë
-Vokshi: Masa e sigurisë ndaj mjekëve të Onkologjikut, vetëm maja e ajsbergut
-Shkarkohen nga puna mjekët e përfshirë në skandalin e Onkologjikut
-Skema e mashtrimit të mjekëve të Onkologjikut, ilaçe pa pullë fiskale dhe pajisja për të sëmurët rrezik nga rrezatimet
-Përgjimet / ‘Me 5 operacione në javë shkon në Maldive’! Bisedat mes mjekëve dhe ‘pazaret’ e tyre me pacientët me tumor: Afroja pak kimioterapinë për hatrin tim
Edhe ministri i drejtësisë, Ulsi Manja foli për rastin në fjalë, duke thënë se që në janar të 2023 ka pasur një hetim administrativ për Onkologjikun, një hetim që vazhdon ende.
Ai mbështeti ministren Koçiu duke thënë se qeveria do të marrë parasysh çdo sugjerim dhe ndryshim ligjor që do të kërkojë ministria e shëndetësisë.
“Do ketë ndryshime ligjore, jo penale. Si shembull, në aspektin penal mund të lirohet nga akuzat një mjek por ndryshimet ligjore në fushën e mjekësisë nuk duhet ta lejojnë të ushtrojë profesionin”, shpjegoi Manja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
