Kampioni i botës në Formula 1, Ljuis Hemilton, nuk ia doli në garën e Meksikës dhe tani rrezikon shumë t’i dorëzojë titullin Maks Vershtapenit, që është shkëputur në krye. Fitorja e holandezit në garën e fundit u favorizua shumë nga një gabim i Valteri Botas, i cili nuk bëri lojën e skuadrës që priste Mercedesi, por la hapësirë për pilotin e Red Bull-it.
Hemilton, me një postim të fundit në rrjetet sociale, i ka dalë në mbrojtje shokut të skuadrës. Ai kërkon ta mbajë sa më kompakt ambientin në skuadër dhe të largojë çdo dyshim për krisje me Botas.
“You may be able to beat us, but you can’t break us.” pic.twitter.com/4UUq97sscs
— Mercedes-AMG PETRONAS F1 Team (@MercedesAMGF1) November 8, 2021
Në postimin e tij anglezi shkruan: “Ishte një ditë e keqe për ne. Thashë pas garës së VB (Valteri Botas) e la derën hapur dhe të gjithë nisën ta kritikonin. Ne jemi një skuadër dhe fitojmë dhe humbim si skuadër, nuk ka një person përgjegjës në fitore dhe humbje: mirë apo keq, bëjmë gjithçka bashkë. Mund të na mundni, por jo të na përçani. Shohim përpara Valteri, vazhdojmë të besojmë vëlla”.
Botas, që në Meksikë u nis i pari, me Hemiltonin në krah të tij, pas startit u mbyll nga e majta, duke lënë një trajektore të lirë për Vershtapenin, i cili mori kryesimin dhe nuk e lëshoi më deri në fund. Pas garës, finlandezi tha: “Nuk gabova në nisje, pproblemi është se në kthesën e parë një makinë më preku dhe përfundova duke u rrotulluar në pistë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
