Hemilton niset i pari në garë pas 2 sezonesh, më i shpejtë se Vershtapen në Hungari

21:01 - 22 Korrik 2023

Gazeta Si – Një kualifikim mbresëlënës për pilotin anglez në Hungaroring, ku pas dy sezonesh ai ka mundur të gjejë pozicionin e parë në nisje të një gare. Hemilton mposhti kampionin Vershtapen me 3 të mijëtat.

Ky i sotmi ishte ‘pole position’ i 9-të në Hungari për pilotin e Mercedesit, një rekord absolut në një cirkuit të vetëm. Hemilton ka regjistruar ndërkohë ‘pole position’ numër 104 në karrierë. Pas 2 vitesh ‘agjërim’ në kualifikuese, Ljuis Hemilton u rikthye protagonist i Formula 1, duke dhuruar emocione në Hungaroring.

Ride onboard with @LewisHamilton for the lap that earned him a record-breaking 9th pole in Hungary! 🚀👊#HungarianGP #F1 @MercedesAMGF1 @Pirellisport pic.twitter.com/Msa0GbM4Hx
— Formula 1 (@F1) July 22, 2023

Shtatë herë kampioni i botës i ka rikthyer, të paktën për të shtunën, buzëqeshjen Mercedesit dhe publikut të F.1. Ai dogji me vetëm 3 të mijëtat kampionin aktual, Maks Vershtapen, i cili me siguri do të kërkojë fitoren në garë. Një duel që në kthesën e parë mes dy rivalëve të mëdhenj. Hemilton nuk nisej i pari që prej garës së Arabisë në 2021-shin, në vitin e ndezur deri në fund kundër Maks.

STARTING GRID 🇭🇺

Here's how we line up for lights out on Sunday! 👊#HungarianGP #F1 pic.twitter.com/N46wpbWpAL
— Formula 1 (@F1) July 22, 2023

Ferrari u duk ‘i fikur’ edhe në këto kualifikuese. Leklerk luftoi fort, por nuk shkoi më shumë se vendi i 6-të, pas dy makinave MekLaren të Lando Norris dhe Oskar Piastrit, si dhe pas Alfa Romeos befasuese të Zhou Guanyu. Alfa kompletoi ditën e bukur me Valteri Botas në vend të 7-të, përpara Aston Martin të Fernando Alonsos dhe Red Bull-it të Serxhio Perez. Vendi i 10-të për Niko Hulkenberg me Has.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.