Gazeta Si – Ljuis Hemilton do të bëjë një film mbi Formulën 1 me Bred Pit. Piloti anglez ka konfirmuar zërat e ditëve të fundit, që e shohin atë në rolin e producentit.
“Në film nuk do të shfaqem dhe për momentin nuk mund të them më shumë”. Shtatë herë kampioni i botës është dukur entuziast, teksa fliste nga Baku, ku zhvillohet gara e radhës.
“Është një projekt i madh i bukur dhe jemi duke punuar për skenografinë. Është argëtuese, kaloj shumë orë me Brad Pit dhe kjo është entuziazmuese. Duam të mbajmë shpirtin e garave”, – shton Hemliton.
Për garën, piloti i Mercedesit tha: “A ka optimizëm për këtë fundjavë? Uroj që po. Duhet më pak karikim dhe ky duhet të ketë një faktor më i mirë për ne. Jemi më të fortë në cirkuite si ai i Barcelonës. Këtu nuk do të jetë e lehtë”.
Hemilton ndërkohë është bërë qytetar nderi i Brazilit: “E pabesueshme, është një vend që e dua. E admiroj Brazilin edhe prej Senës. Brazili në jetën time ka pasur gjithmonë e më tepër rëndësi, për diversitetin e tij. Aty kam fituar Botërorin tim të parë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
