Helmimi i mbi 1500 banorëve në Deçan të Kosovës mund të ketë ardhur si pasojë e ujit të pijshëm. Të paktën këtë tregojnë analizat e fundit të mostrave të ujit nga Instituti Kombëtar i Shëndetit Publik.
Përmes një komunikate drejtuar mediave, IKSHP-ja ka bërë me dije se uji i fshtatit Drenoc, një nga komunat e Deçanit. duhet të cilësohet jo i pijshëm. Gjatë analizimit të ujit, ekspertët zbuluan se ai përmbante bakterie jo patogjene, përfshirë edhe bakterieve koliforme dhe E.coli. Kjo e fundit është shumë e dëmshme dhe mund të ketë shkaktuar sipas ekspertëve helmimin e banorëve.
“Në mostrat e ujit të ujësjellësit nga rajoni i Deçanit janë identifikuar disa bakterie jo patogjene. Këto baktere mund të japin indikacion për kontaminim të ujit të pijshëm, kurse në burimin e Drenocit janë izoluar vlera të shtuara të bakterieve koliforme dhe E.coli”, thuhet në komunikatë.
IKSHP-ja ka dalë edhe me disa rekomandime për situatën e krijuar, duke këshilluar gjetjen e burimeve alternative të ujit të pijshëm, duke thënë se ky ujë nuk duhet të konsumohet.
Mijëra qytetarë nga rajoni i Deçanit kanë shfaqur që nga fundjava e kaluar, simptoma të helmimit. Edhe pse shkaktari nuk është përcaktuar ende, komuna ka shpallur gjendje emergjente.
Deçani furnizohet me ujë nga ujësjellësi rajonal “Hidrodrini, i cili po ashtun furnizon me ujë edhe komunat: Pejë, Istog, Klinë dhe Junik.
Në një deklaratë më 13 korrik, “Hidrodrini” u ka thënë qytetarëve që furnizohen nga ky ujësjellës, që të mos kenë dyshime në cilësinë e ujit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
