Gazeta Si – Një i ri në Tiranë është arrestuar pas publikimit të një videoje në rrjetet sociale, ku ai filmonte veten duke shkelur rregullat qarkullimit rrugor.
Një veprim me të cilin ka vënë në rrezik jetën e tij dhe të përdoruesve të tjerë të rrugës.
Policia thotë se E.D., 21 vjeç u ndalua në bulevardin “Dëshmorët e Kombit”, i cili si duket nuk kishte as leje drejtimi.
Gjatë testit të kryer me “AquilaScan” rezultoi se 21-vjeçari e drejtonte mjetin, nën efektin e lëndëve narkotike.
Në videon e publikuar në platformën TikTok, i riu mund të shihet ndërsa parakalon automjete të tjera me shpejtësi tej normave të lejuara, ndërsa në dorë mban celularin dhe nuk kishte vënë as rrip sigurimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
