Gazeta Si – Për të dytën ditë me radhë, avokatët e qarkut të Lezhës kanë protestuar kundër hartës së re gjyqësore të propozuar nga KLGJ.
Protestës i janë bashkuar edhe avokatët e Kurbinit, të cilët të shoqëruar nga qytetarë të ndryshëm, kërkojnë rishikimin e reformës.
Sipas tyre, një vendim i tillë, do të sillte mbylljen e Gjykatës së Kurbinit dhe 90 mijë banorë do të mbeteshin të bllokuar.
Përveç protestës, ashtu siç ishte paralajmëruar, këtë të mërkurë ka vijuar edhe bojkoti i masave të sigurisë.
Pjesë e protestës kanë qenë edhe deputetët e PD-së, Kastriot Piroli dhe Elda Hoti.
Protestë kundër hartës së re gjyqësore, pritet që të ketë sot pasdite edhe në Shkodër.
Harta e re gjyqësore parashikon 13 Gjykata të Shkallës së Parë, 2 Gjykata Administrative dhe 1 Gjykatë Apeli për të gjithë vendin.
Një ditë më parë, përveç bojkotit të gjyqeve, u protestua në rrugë në Shkodër dhe Vlorë.
Gjithashtu kryetari I Dhomës Kombëtare, të Avokatisë ka nisur një tur takimesh në rrethe për të sqaruar kolegët me hapat që do të ndërmarrin lidhur me hartën e re gjyqësore.
Bojkoti i seancave gjyqësore, është parashikuar deri të premten e 24 qershorit.
Dhoma e Avokatisë vendosi bojkot të të gjithë seancave të gjyqësorit për 4 ditë, ndërsa kundër kanë dalë avokatët penalistë që shkojnë në seanca, sepse mendojnë që çështja duhet të shkojë në Gjykatën e Kushtetuese për të kundërshtuar KLGJ.
KLGJ ka miratuar draftin, i cili tashmë pritet të kalojë për mendim në Këshillin e Ministrave, Këshillin e Lartë i Prokurorisë, Prokurorisë së Përgjithshme dhe Ministrisë së Financave.
Me vendimin e ri, shkrihen gjykatat në Tropojë, Krujë, Lushnje, Pogradec, Krujë, Mat, Përmet, Kurbin, Kavajë, Pukë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
