Nga Gazeta Si – Duke përjetuar sezonin e tij të 3-të në Bundesliga me Bayern Munich, Harry Kane vazhdon të tregojë pse është bërë sinonim jo vetëm me gola, por edhe me rekorde.
Kane ka shënuar 17 gola në kampionat këtë sezon – 9 më shumë se Jonathan Burkardt, i cili është i dyti dhe aktualisht i dëmtuar.
Kjo do të thotë se pas 13 javësh, numri 9 i Bayernit ka rekordin e 2-të më të mirë ndonjëherë në këtë fazë në Bundesliga.
Kush ka rekordin më të mirë, mund të pyesni? Natyrisht, vetë Kane. Gjatë sezonit debutues me Bayernin (2023/24), 32-vjeçari kishte realizuar 18 gola në këtë fazë.
Nëse sulmuesi i Bayern-it vazhdon me këtë ritëm, atëherë ai mund ta mbyllë sezonin me një shifër marramendëse prej 44 golash në Bundesliga.
Kjo do të thyente rekordin e një sezoni të vetëm të paraardhësit Robert Lewandowski, i cili shënoi 41 gola në sezonin 2020/21.
Me 79 gola në 76 ndeshje të Bundesligës dhe një mesatare prej një goli çdo 78.8 minuta, pas “hat-trick-ut” të tij nga stoli kundër VfB Stuttgart në javën e 13-të, Kane është thjesht në një kampionat më vete.
Për krahasim, i ndjeri Gerd Müller, lojtari i mëparshëm që shënoi më shpejt 79 gola në Bundesliga, pati nevojë për 111 ndeshje për ta arritur këtë shifër.
Mos prisni që anglezi të ngadalësojë së shpejti. Me 21 ndeshje të mbetura në sezonin 2025/26 dhe me Mainz-in e rrezikuar nga rënia, si dhe Heidenheim-in përpara pushimit dimëror, sulmuesi kryesor i kryesuesve të të Bundesligës është në rrugë të sigurt për të arritur 100 gola në ligë shumë përpara se sezoni të mbarojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
