.png)
Nga Gazeta 'Si'-Zëvendëspresidentja Kamala Harris ka pranuar zyrtarisht humbjen në garën për presidentin e SHBA dhe ka uruar Presidentin e zgjedhur, Donald Trump, për fitoren e tij.
CNN shkruan se Harris e ka telefonuar Trumpin për ta përgëzuar për fitoren, duke i shprehur urimet e saj dhe duke diskutuar rëndësinë e një kalimi paqësor të pushtetit dhe të një udhëheqësi që punon për të gjithë amerikanët.
Një burim i CNN tha se biseda ka pasur një ton konstruktiv dhe të qetë, ku zëvendëspresidentja theksoi domosdoshmërinë që çdo ndryshim pushteti të bëhet në mënyrë paqësore, siç kërkohet nga tradita demokratike e SHBA-ve.
Harris, që ka shërbyer si Zëvendëspresidente në mandatin e Presidentit Joe Biden, do të mbajë fjalim e saj të parë pas zgjedhjeve mbrëmjen e sotme në Universitetin e Howardit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
