Hapësirat e mbushura me lëngje rreth enëve të gjakut të trurit kanë nevojë për “pastrimin” e duhur të mbetjeve çdo disa orë. Kur kjo dështon të ndodhë, rreziku i fëmijës për autizëm duket se rritet, sipas një studimi të ri.
Është shumë herët të thuhet se problemet brenda këtyre hapësirave “perivaskulare” shkaktojnë autizëm, por duket se është një tregues i hershëm për gjendjen, raporton një ekip nga Universiteti i Karolinës së Veriut (UNC).
“Gjetjet tona ishin befasuese, duke pasur parasysh se neuro-radiologët zakonisht i shohin hapësirat e zgjeruara perivaskulare si një shenjë të neuro-degjenerimit tek të rriturit, por ky studim e raportoi atë tek të vegjlit,” vuri në dukje bashkëautori i studimit Dea Garic, një profesor asistent kërkimor në departamentin e UNC të psikiatrisë.
“Ky është një aspekt i rëndësishëm i zhvillimit të trurit në vitet e para të jetës që duhet monitoruar,” shtoi Garic në një njoftim.
Fëmijët me hapësira perivaskulare të zgjeruara në trurin e tyre para moshës 24 muajsh kishin 2.2 herë më shumë gjasa për t’u diagnostikuar më vonë me autizëm, krahasuar me fëmijët, MRI-të e të cilëve treguan hapësira perivaskulare me madhësi normale.
Në përgjithësi, 30% e fëmijëve që shfaqën hapësira të mëdha perivaskulare kur ishin një vjeç morën më vonë një diagnozë të autizmit dhe gati gjysma e fëmijëve të diagnostikuar më vonë me autizëm shfaqën hapësira të zgjeruara në enët e gjakut deri në moshën 2-vjeçare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
