Gazeta Si – Barcelona ka mbyllur zyrtarisht marrëveshjen me mesfushorin gjerman, Ilkai Gundogan. Një goditje e madhe për katalanasit, po të kemi parasysh faktin se lojtari vjen me parametra zero, duke lënë Mançester Sitin kampion Europe.
Gundogan ka firmosur një kontratë dyvjeçare me të drejtën e zgjatjes edhe për një vit tjetër. Ajo që bën përshtypje në kontratën mes palëve është shifra e klauzolës prej 400 milionë eurosh. Një shifër shumë e lartë kjo për një futbollist në moshën 32-vjeçare.
𝐆𝐮̈𝐧𝐝𝐨𝐠̆𝐚𝐧 pic.twitter.com/CwDwS1DfZF
— FC Barcelona (@FCBarcelona) June 26, 2023
Mesfushori u kërkua me ngulm nga trajneri Ksavi Hernandez. Gjermani ishte një nga titullarët më të rëndësishëm të Sitit sezonin e fundit, kur skuadra e Guardiolës fitoi tripletën. Pas eksperiencave në Bundesligë dhe në Premier Ligë, Gundogan do të provojë edhe La ligën me fanellën e Barcelonës.
Te katalanasit mesfushori do të ribashkohet me sulmuesin Robert Levandovski, me të cilin kanë luajtur bashkë te Borusia Dortmund.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
