.png)
Gazeta Si – Ndërsa Sali Berisha mbante fjalimin përmbyllës të fushatës elektorale në qytetin e Elbasanit, përpara stadiumit “Elbasan Arena”, një incident i pazakontë ndodhi në turmën e simpatizantëve demokratë, siç shihet dhe në videot e siguruara nga Gazetasi.al.
Një përleshje masive shpërtheu mes pjesëmarrësve, ku sipas burimeve nga vendngjarja, shkak i konfliktit ishte një përplasje e fortë mes disa personave, duke u përplasur me njëri-tjetrin me grushte dhe shqelma.
Sipas burimeve paraprake, mësohet se djali i deputetit demokrat dhe drejtuesit politik të PD në Shkodër, Luçiano Boçi, ka mbetur i plagosur në kokë gjatë incidenteve në mitingun elektoral në Elbasan.
Konfirmohet se ai ndodhet ne Spitalin Rajonal te Elbasanit për mjekim, pasi ka një çarje në kokë, por pa pasoja serioze.
Ende nuk është i qartë shkaku i konfliktit të dhunshëm mes një grupi demokratësh gjatë këtij mitingu.
Policia e Elbasanit po kryen veprimet proceduriale dhe po punon për zbardhjen e ngjarjes. Nga informacionet e deritanishme incidenti ka ndodhur për shkaqe banale mes militanteve të PD gjatë mitingut përmbyllës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
