.png)
Gazeta Si - Një 55-vjeçare në Kamëz në zonën e Frutikulturës është gjetur e vdekur në banesë dhe dyshohet që ajo të ketë varur veten.
Policia e Tiranës thotë se viktima është me iniciale Sh.L., dhe se është njoftuar për këtë ngjarje pas kallëzimit të bërë nga familjarët e viktimës.
Nga verifikimet dhe hetimet, del që 55-vjeçarja dyshohet të jetë vetëvarur në datën 4 shtator rreth orës 15:00.
Lidhur me këtë ngjarje policia ka ndaluar bashkëshortin e viktimës, 56-vjeçarin Sh.L.
Bashkëshorti dyshohet se nuk ka kallëzuar ngjarjen në polici, por në mbrëmje ka njoftuar familjarët e viktimës, të cilëve u ka pohuar se 55-vjeçarja ka pësuar vdekje natyrale dhe ndaj kishte bërë gati të gjitha procedurat e varrimit.
56-vjeçari është ndaluar nën dyshimin për veprat penale “shkaktim i vetëvrasjes” dhe “veprime që pengojnë zbulimin e së vërtetës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
