.png)
Gazeta Si- Një ditë pasi u njoftua nisja e procedurave të divorcit, duket se pas ndarjes së çiftit Meta-Kryemadhi qëndrojnë mosmarrëveshjet politike.
Sipas burimeve, duke iu referuar padisë, Ilir Meta i ka treguar gjykatës se shkaktare është politika dhe këndvështrimet e ndryshme qe ata kanë për politikën.
Në kërkesën për divorc që konfirmon fundin e një martesë 26-vjeçare, Ilir Meta thotë se politika është ajo që e ndau me Monika Kryemadhin.
Padia për zgjidhje martese e firmosur prej tij dhe e dorëzuar në krye sekretarinë e Gjykatës Civile, Meta shprehet se ka pasur marrëdhënie normale dhe me problematika si çdo martesë.
Por ish-presidenti nuk e lë jashtë martesës edhe bashkëjetesën politike që patën të dy, pasi ata u njohën gjatë aktivizimit të forumit eurosocialist.
“Me të paditurën kemi qenë dhe jemi aktivë në jetën politike të vendit, shkak për të cilin kemi ushtruar dhe ushtrojmë funksione të rëndësishme në organet shtetërore, organet përfaqësuese të popullit dhe subjekte politike”.
Ilir Meta aktualisht kryetar i Partisë së Lirisë i thotë gjykatës se vitet e fundit ka konstatuar fillimisht mosdmosdakordësi dhe kontradikta që kanë ardhur duke u shuar fillimisht për shkak të qëndrimeve dhe pikëpamjeve të ndryshme në lidhje me zhvillimet ne aspektin politiko përfaqësues dhe vendimmarrës.
Me kalimin e kohës, kjo ndarje këndvështrimesh ,sipas Ilir Metës i cili në padi ka vendosur adresën e Partisë së Lirisë, u bënë prezente edhe në raportin bashkëshortor, deri sa kohët e fundit këto mospërputhje qëndrimesh e mendimesh edhe ndaj njëri-tjetrit kanë sjellë si pasojë ‘grindje të herëpashershme duke tronditur thellë marrëdhënien tonë bashkëshortore’.
Aktualisht prej disa muajsh marrëdhënia bashkëshortore është ndërprerë edhe në kuptimin e bashkëjetesës, duke sjellë si pasojë humbjen e qëllimit të kësaj martese në të gjitha drejtimet.
“Në këto kushte, i kërkoj gjykatës caktimin e një dite gjykimi dhe marrjen e vendimit për zgjidhjen e martesës me të paditurën”, - thotë Ilir Meta, i cili ka shtuar si prova certifikatën familjare dhe atë të martesës.
Çifti i njohur dhe më karrierë të gjatë në politikë janë të martuar prej 26 vitesh (nëntor 1998) dhe kane 3 fëmijë, 2 vajza dhe 1 djalë.
Meta bëhet kështu kryeministri i tretë i qeverise post-komuniste pas Fatos Nanos dhe Edi Ramës, që divorcohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
