Greqi, shpërthen një bombë para selisë së kompanisë hekurudhore në Athinë (video)

Gazeta Si – Mbrëmjen e të premtes në Athinë, një bombë shpërtheu përpara selisë së “Hellenic Train”, kompania që administron transportin e pasagjerëve dhe mallrave në Greqi dhe e cila është private dhe kontrollohet nga Hekurudhat Shtetërore Italiane që prej vitit 2016.

Shpërthimi nuk shkaktoi të lënduar, por vetëm dëmtime të vogla në xhamat e ndërtesës dhe mjetet ngjitur.

Sipas policisë, pajisja ndodhej në një çantë shpine të vendosur në një skuter dhe ishte e ndërtuar me një mekanizëm të komanduar nga një sahat.

Βίντεο από τη στιγμή της έκρηξης βόμβας έξω από τα γραφεία της Hellenic Train, όπως καταγράφηκε από κάμερα ασφαλείας pic.twitter.com/EGKSAs1iTA
— Kathimerini_Web (@KathimeriniWeb) April 11, 2025

Shpërthimi ndodhi në orën 20:53 dhe ishte njoftuar nga një thirrje anonime në disa media në vend. Për momentin nuk ka hipoteza se kush e ka vendosur pajisjen, por edhe njësia kundër terrorizmit po heton ngjarjen.

Javët e fundit ka pasur protesta të mëdha kundër qeverisë dhe kundër “Hellenic Train”, që përkon me dyvjetorin e fatkeqësisë pas përplasjes së dy trenave, që në vitin 2023 shkaktoi vdekjen e 57 personave, kryesisht studentë.

Dy vjet më vonë, shkaku i shpërthimit mbetet i paqartë, por besohet se treni i mallrave mbante një material të paidentifikuar të ndezshëm të paligjshëm.

Megjithatë, përplasja u shkaktua nga gabimi njerëzor, megjithëse besohet se pasojat e saj ishin edhe për shkak të problemeve strukturore të sistemit hekurudhor grek, i cili ishte veçanërisht i vjetëruar dhe me staf të pamjaftueshëm.

Pyetjet kryesore të hapura kanë të bëjnë me gabimet, dështimet dhe problemet strukturore që i shtynë dy trenat të udhëtonin në të njëjtën linjë dhe të përplaseshin.

Shumë argumentojnë se gjendja e keqe e infrastrukturës hekurudhore greke luajti një rol qendror në aksident dhe se për këtë arsye ka edhe përgjegjësi politike.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.