Gazeta Si – Klement Çala, i dënuar nga Gjykata e Posaçme për grabitjen e parave në Rinas, është nxjerrë nga regjimi “41 Biss”.
Gjykata ka pranuar kërkesën e Çalës dhe ka shfuqizuar urdhrin e 5 majit 2022 të ministrit të Drejtësisë.
Pak ditë më parë, SPAK ka kërkuar që Çala të dënohet me 20 vite burg për grabitjen e Rinasit.
Për të njëjtat akuza, vëllai i tij Eldi Çala u dënua me 17 vite burg. E njëjta masë dënimi u dha edhe për të pandehurit e tjerë të dosjes, përfshi edhe Alkond Bengasin, që gjatë hetimit të dosjes pranoi të bashkëpunonte me drejtësinë si i penduar.
Por kur dosja kaloi në gjykim ai prishi marrëveshjen, duke pretenduar se rrëfimi në prokurori i ishte marrë në kushte presioni.
Në prill të vitit 2019, Klement Çela së bashku me disa persona të tjerë, ata hynë në pistën e aeroportit të Rinasit me një makinë me logo “Hetimi Tatimor” dhe grabitën sasinë e parave në kohën që do të transportoheshin me avion jashtë shtetit.
Autorët u ndoqën nga policia, dhe nga shkëmbimi i zjarrit mbeti i vdekur Admir Murataj.
Deri tani policia ka vënë në pranga 7 prej bashkëpunëtorëve. Në kërkim ngelet vetëm Talo Çela, që dyshohet se ka modifikuar furgonin me logo “Hetimi Tatimor” me të cilën u realizua grabitja.
Klement Çala akuzohet edhe për grabitjen e blindave me para në vitin 2017 në rrugën Qafë Kashar-Rinas.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
