.png)
Gazeta Si – Një pikë këmbimi valutor në zonën e “5 Majit” në Tiranë është grabitur me armë zjarri mëngjesin e kësaj të enjteje.
Sipas policisë, një person i armatosur me pistoletë hyri në pikën e këmbimit që ndodhej brenda një qendre tregtare dhe mori paratë nën kërcënimin e armës.
Pas ngjarjes, autori u largua me vrap, ndërsa policia po punon për të identifikuar dhe arrestuar autorin. Forcat e policisë kanë bërë rrethimin e zonës dhe kanë ngritur pika kontrolli në akset rrugore përreth.
Sipas burimeve paraprake, dyshohet se autori ka marrë 1.2 milionë lekë të vjetra. Pasi ka dalë nga qendra tregtare ai ka marrë një motor dhe është zhdukur në rrugicat e zonës së “5 Majit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje