.png)
Gazeta Si – Në ‘TD Garden’, Uarriorsat fituan 103-90 dhe mbyllën serinë e finaleve 4-2. Ky është titulli i 4-t në 8 vitet e fundit. Kërri për herë të parë në karrierë shpallet lojtari më i mirë i finaleve.
Golden Stejt Uarriors janë kampionë të NBA-së 2021/2022. Formacioni i trajnerit Kerr fitoi 103-90 ndaj Boston Selltiks në ndeshjen e 6-të. Uarriors mbyllën kështu llogaritë 4-2, duke fituar titullin e 7-të në histori.
The @warriors are the 2021-22 NBA Champions! #NBA75 pic.twitter.com/ckNLJTdQ1C
— NBA (@NBA) June 17, 2022
Stefen Kërri realizoi 34 pikë, 7 ribaunde dhe 7 asiste. Për herë të parë në karrierë ai ka fituar çmimin “Mvp’ të finaleve. Bostonit nuk i mjaftuan 34 pikët e Braun, ndërsa Taum realizoi vetëm 13 pikë.
Golden Stejt nuk dështuan në ‘match point’-in e parë. Ekipi kampion e ndërtoi suksesin që në pjesën e parë. Pas 12 minutsh Uarriors udhëhiqnin 27-22. Më pas avantazhi u thellua dhe lojtarëve të Bostonit iu prenë këmbët.
Bostoni doli me kokën lart nga ‘TD Garden’. I fundit që u dorëzua ishte Braun. Në radhët e Selltiks e kanë të qartë se kanë krijuar një grup të mirë për të ardhmen.
Taking it back to The Bay #PhantomCam pic.twitter.com/KISWcYhTiw
— NBA (@NBA) June 17, 2022
Protagonist absolut ishte Stefen Kërri, autor i 34 pikëve. Ai u shpall edhe lojtari më i mirë i finaleve, i vetmi çmim që i mungonte në karrierë.
Trajneri Stiv Kerr ka meritat e tij të mëdha. Në 9 unaza në total, ka fituar të 4-ën si trajner.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
