Një debat për dhënien e licencës së një linje të transportit të udhëtarëve në Vlorë, ka qenë shkaku i një konflikti fizik mes një biznesmeni dhe kryetarit të Bashkisë së Selenicës.
Ngjarja ka ndodhur mbrëmjen e së mërkurës, ku shtetasi Pellat Bonaj, 57 vjeç, ka debatuar ashpër me kryebashkiakun Pëllumb Binaj, duke e akuzuar se licencën e linjës në fjalë, ia kishte dhënë pa të drejtë një subjekti tjetër.
Në debat e sipër, situata është agravuar, duke arritur deri në konflikt fizik, me biznesmenin që ka goditur me grusht kryebashkiakun e Selenicës.
Pas ngjarjes, policia ka arrestuar Binajn, i cili akuzohet për veprën penale të goditjes për shkak të detyrës ndaj Binajt. Mësohet se debati ka ndodhur për linjën e furgonëve Vlorë-Sevaster.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
