.png)
Ministrja e Drejtësisë, Etilda Gjonaj nuk komenton videot e gjyqtares së Elbasanit, që janë bërë virale në rrjet këto 24 orët e fundit, por thotë se ka kërkuar prej kohësh verifikimin dhe marrjen e masave ndaj saj për vendimin e dhënë ku liroi Viktor Ymerin.
“Për të ardhur keq që qysh prej dhjetorit 2019, i kam kërkuar me shkrim KLGJ-së verifikimin dhe marrje mase për të pas lirimit të një subjekti kriminal”, shkruan Gjonaj.
Pas këtij rasti, ministrja e Drejtësisë kërkon që jo vetëm të merren masat e duhura ndaj gjyqtares Enkeleda Kapedani, por të hetohet edhe pasuria e saj.
“Tani uroj që jo vetëm të merret masa e duhur, por edhe të hetohet në mënyrë të thelluar gjendja pasurore e kësaj gjyqtareje”, shkruan ministrja.
Gjyqtarja Kapedani nuk e ka kaluar ende procesin e vettingut dhe rastin e saj, Gjonaj e vlerëson si rast “tipik e një pjesë të atyre që vijojnë të gërryejnë drejtësinë nga brenda”.
“Reforma nuk ndalet. Kush e ka turpëruar drejtësinë do të përballet me të deri në fund”, mbyll reagimin e saj ministrja e Drejtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
