.png)
Mario Perlleshaj, autori i dyshuar për vrasjen e 14-vjeçarit Martin Cani ka mohuar që të qëlluar drejt tij, duke thënë, përmes avokatit se ka qëlluar vetëm Luis Meçen, i cili mbeti i plagosur.
Sipas burimeve të Top Channel, seanca e radhës është zhvilluar me dyer të mbyllura, ku kanë dëshmuar pesë të mitur në cilësinë e personave që kanë dijeni për ngjarjen.
Dëshmitë e të miturve janë marrë pa praninë e të pandehurit Mario Përlleshaj, i akuzuar për vrasjen. Në seancën e ardhshme pritet të dëshmojnë edhe shtatë persona të tjerë, nga të cilët katër janë të mitur dhe do të paraqiten sërish si persona që kanë dijeni për rrethanat e ngjarjes.
Martin Cani u vra më 18 nëntor të 2024-ës, pak metra larg shkollës 9-vjeçare “Fan Noli” në kryeqytet.
Ngjarja ndezi protesta masive qytetare, me thirrje për më shumë siguri në shkolla dhe përgjegjësi institucionale për dështimin në parandalimin e dhunës. Familjarët e viktimës vijojnë të kërkojnë drejtësi të plotë dhe zbardhje të çdo detaji, në një proces që ka vënë në provë funksionimin e sistemit gjyqësor dhe mbrojtjen e fëmijëve në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
